மதுரை : திருப்பரங்குன்றத்தில் குடும்ப பிரச்சனையில் முதியவர்மீது தாக்குதல் பெண் உள்பட 2 பேர் கைது. மதுரை ஏப்ரல் 13 திருப்பரங்குன்றம் சாமியார் சந்து பகுதியை சேர்ந்தவர் மோகன் 62 . ராஜீவ்காந்தி நகர் 7வது தெரு சேர்ந்தவர் பாலமுருகன் மனைவி மீனாட்சி 35. இவர்கள் உறவினர்கள் ஆவார்கள். இவர்களுக்குள் குடும்ப பிரச்சினை இருந்து வந்தது. இந்த நிலையில் சம்பவத்தன்று மோகனை மீனாட்சியும் உறவினர் கருப்பு மகன் பாண்டி 30 இருவரும் சரமாரியாக தாக்கியுள்ளனர்.
இந்த தாக்குதல் குறித்து மோகன் திருப்பரங்குன்றம் போலீசில் புகார் செய்தார். போலீசார் வழக்குப்பதிவு செய்து மீனாட்சி, பாண்டியை கைது செய்தனர். அண்ணா பஸ் ஸ்டாண்டில் நிறுத்தியிருந்த கார் திருட்டு மதுரை ஏப்ரல் 13 அண்ணா நகர் எல். ஐ. சி. காலனி இரண்டாவது தெருவை சேர்ந்தவர் பிரேமானந்த் 46 . இவர் தனக்கு சொந்தமான காரை அண்ணா பஸ் ஸ்டாண்ட் பனகல் ரோட்டில் நிறுத்தி இருந்தார். அவர் பின்னர் வந்து பார்த்தபோது அந்த கார் திருடப்பட்டிருந்தது. இதுகுறித்து பிரேம் ஆனந்த் மதிச்சியம் போலீசில் புகார் செய்தார் . போலீசார் வழக்குப்பதிவு செய்து கார் திருடியஆசாமியை தேடி வருகின்றனர்.
மதுரையிலிருந்து நமது நிருபர்
திரு.ரவி
