மதுரையில் போக்குவரத்து மாற்றம் காவல்துறை அறிவிப்பு

மதுரை: மதுரை மாநகரில் தமுக்கம் சந்திப்பு முதல் கோரிப்பாளையம் சந்திப்பு வரையிலான பகுதியில் மேம்பால கட்டுமான பணிகள் நடைபெற இருப்பதால், அப்பகுதியில் வாகன போக்குவரத்து தடை செய்யப்பட்டு, வாகன ஓட்டுநர்கள் மற்றும் பொதுமக்கள் சிரமமின்றி நகருக்குள் சென்றுவர (22.06.2024) முற்பகல் மற்றும் பிற்பகல் நேரங்களில் சோதனை ஓட்டமாக கீழ்க்கண்டவாறு போக்குவரத்து மாற்றங்கள் செய்யப்படவுள்ளன. M.G.R பேருந்து நிலையத்திலிருந்து வரும் வாகனங்கள் கே.கே.நகர் ஆர்ச், கே.கே.நகர் 80 அடிச்சாலை, ஆவின் சந்திப்பு, ஆசாரிதோப்பு சந்திப்பு, வைகை வடகரை ரோடு, செல்லூர் ரவுண்டானா, தத்தனேரி மெயின் ரோடு வழியாக ஆரப்பாளையம் செல்ல வேண்டும். நத்தம் மற்றும் அழகர் ரோடு வழியாக ஆரப்பாளையம் மற்றும் பெரியார் செல்லும் வாகனங்கள் அவுட் போஸ்ட், மாவட்ட நீதிமன்றம், கே.கே.நகர் ஆர்ச். கே.கே.நகர் 80 அடிச் சாலை, ஆவின் சந்திப்பு, சாத்தமங்கலம் ரோடு, பனகல் ரோடு, கோரிப்பாளையம் சந்திப்பு, AV பாலம் வழியாக வந்து கீழவெளிவீதி மற்றும் யானைக்கல், வடக்குமாரட் வீதி செல்ல வேண்டும். பெரியார் பேருந்து நிலையம் மற்றும் செல்லுலூர் புதுப்பாலம் வழியாக கோரிப்பாளையம் வரும் வாகனங்கள் எவ்வித மாற்றமுமின்றி தமுக்கம், கோகலே ரோடு, IOC ரவுண்டான வழியாக நத்தம், அழகர்கோயில் சாலை மற்றும் M.G.R பேருந்து நிலையம் செல்ல வேண்டும். (22.06.2024) பிற்பகல் முதல் பெரியார் பேருந்துநிலையம் மற்றும் செல்லூர் புதுப்பாலம் வழியாக வரும் வாகனங்கள் MM லாட்ஜ், E2,E2 சாலை, அரசன் பேக்கரி, நவநீதகிருஷ்னன் கோயில் சந்திப்பு, கோகலே ரோடு, IOC ரவுண்டானா வழியாக வந்து நத்தம் சாலை. அழகர்கோயில் மற்றும் M.G.R பேருந்து நிலையம் செல்ல வேண்டும். M.G.R பேருந்து நிலையம், நத்தம் சாலை, அழகர்கோவில் சாலையிலிருந்து வரும் வாகனங்கள் தமுக்கம் சந்திப்பில் வலதுபுறம் (Wrong Right) திரும்பி North Gate, தமிழரசி பேக்கரி, கோரிப்பாளையம் சந்திப்பு வழியாக AV பாலம் செல்ல வேண்டும் என காவல்துறையினர் சுற்றறிக்கை மூலம் தகவல்.

மதுரையிலிருந்து நமது குடியுரிமை நிருபர்

ஆண்டனி வினோத்