குமரி: கேரள மாநிலத்தில் இருந்து சொகுசு காரில் இன்று மூன்று பேர் 2.6 கிலோ எடை கொண்ட மண்ணுளி பாம்பினை நாகர்கோவிலுக்கு கடத்தி வந்துள்ளனர் .மண்ணுளிப்பாம்பு கடத்தப்படுவதாக ஆரல்வாய்மொழி வன போலீசாருக்கு கிடைத்த ரகசிய தகவலின் படி ஆரல்வாய்மொழி வனச்சரகர் திரு.திலிபன் தலையில் வன போலீசார் நாகர்கோவில் முழுவதும் வாகன சோதனையில் ஈடுபட்டனர்.
அப்போது ஒழுகினசேரி பகுதியில் சந்தேகத்திற்கிடமாக வந்த சொகுசு காரை தடுத்து நிறுத்தி சோதனையில் ஈடுபட்ட போது வாகனத்தில் 2 கிலோ 600கிராம் எடை கொண்ட மண்ணுளி பாம்பு சாக்கு பைக்குள் அடைத்து வைத்து கடத்தி வந்தது தெரியவந்தது.
இதனையடுத்து கடத்தலில் ஈடுபட்ட கேரள மாநிலத்தைச் சேர்ந்த பிரசாந்த் சதீஷ், சதீஷ் சந்திரன் நாயர், குமரி மாவட்டம் தரப்பு பகுதியை சேர்ந்த ஜோஸ் வில்பர்ட் ஆகியோரை கைது செய்த போலீசார் மண்ணுளிப் பாம்பு மற்றும் சொகுசு காரை பறிமுதல் செய்தனர்.
