திருநெல்வேலி : திருநெல்வேலி வடக்கன்குளம், பழவூர் அருகே கூட்டப்புளி விலக்கில், பழவூர் காவல் உதவி ஆய்வாளர் திரு. பார்த்தீபன், தலைமையில் காவல் துறையினர், வாகன சோதனையில், ஈடுபட்டனர். அப்போது அந்த வழியாக வந்த 4 லாரிகளை வழிமறித்து சோதனை செய்தனர். அந்த லாரிகளில் அனுமதியின்றி எம்.சாண்ட் மணல் கடத்தி வந்தது தெரிய வந்தது. இதையடுத்து எம்.சாண்ட் மணலுடன் 4 லாரிகளையும் காவல் துறையினர், பறிமுதல் செய்தனர். இதுதொடர்பாக லாரி ஓட்டுநர்களான கன்னியாகுமரி மாவட்டம், கைலாசபுரத்தைச் சேர்ந்த நாகராஜ் (43), புதுமனைையச் சேர்ந்த சிவகுமார் (46), வழுக்கம்பாறையைச் சேர்ந்த ஷாஜின் (45), ஆகிய 3 பேரை கைது செய்தனர். காவல் துறையினரை, கண்டதும் லாரியை நிறுத்தி விட்டு தப்பி ஓடிய மற்றொரு ஓட்டுநரை காவல் துறையினர், வலைவீசி தேடி வருகின்றனர்.
