கிருஷ்ணகிரி : கிருஷ்ணகிரி மாவட்டம் ஓசூர் தேன்கனிக்கோட்டை அடுத்த தளி போலீசார் உத்தனப்பள்ளி சாலையில் வாகன தணிக்கையில் ஈடுபட்டனர். அப்போது அந்த வழியாக வந்த டூவீலரை நிறுத்திய போது போலீசாரை கண்டதும் டூவீலரில் வந்தவர் டூவீலரை அங்கேயே நிறுத்தி விட்டு தப்பி ஓடி விட்டார். இதை அடுத்து போலீசார் டூவீலரில் இருந்த பையை திறந்து பார்த்தனர். அதில் கர்நாடக மாநிலத்தில் இருந்து தடை செய்யப்பட்ட ரூ. 22 ஆயிரத்து 616 மதிப்புள்ள புகையிலை பொருட்களை கடத்தி வந்தது தெரிய வந்தது. இதையடுத்து புகையிலை பொருட்கள் மற்றும் டூவீலரை போலீசார் பறிமுதல் செய்தனர். தப்பி ஓடிய மர்ம நபரை தேடி வருகின்றனர்.
கிருஷ்ணகிரியிலிருந்து நமது குடியுரிமை நிருபர்
திரு.S.அஸ்வின்
