சென்னை : மதுரவாயல் பகுதியில், கடந்த மாதம் தடை செய்யப்பட்ட, போதை மாத்திரைகளை, விற்பனை செய்ததாக, மதுரவாயல் காவல்துறையினர், 2 பேர் கைது செய்தனர். அவர்கள் அளித்த தகவலின்பேரில், அண்ணாநகர் துணை ஆணையர், தலைமையிலான தனிப்படை காவல்துறையினர், தீவிரமாக கண்காணித்து வந்தனர். இந்நிலையில், நேற்று சென்னை கே.கே.நகரை சேர்ந்த சக்திவேல் (22), ராமாபுரத்தை சேர்ந்த சிவா (22) , ஆகிய 2 பேர் மதுரவாயல் கந்தசாமி நகரில் பதுங்கியிருந்தபோது தனிப்படை காவல்துறையினர், மடக்கி பிடித்தனர்.
அப்போது, அவர்களிடம் இருந்த தடை செய்யப்பட்ட 300 போதை மாத்திரைகளை ,பறிமுதல் செய்த இருவரையும் காவல்துறையினர், பிடித்து மதுரவாயல் காவல் துறையிடம், ஒப்படைத்தனர். காவல்துறையினர், விசாரணையில் தடை செய்யப்பட்ட போதை மாத்திரைகளை, மும்பையில் ஆன்லைன் மூலமாக , ஆர்டர் செய்து மாத்திரை ஒன்றை ரூ.250 வீதம், கல்லூரி மாணவர்களை, குறி வைத்து விற்பனை செய்து வந்தது, தெரியவந்தது. இருவரையும் கைது செய்த காவல்துறையினர், இதில் வேறு யாருக்கெல்லாம் தொடர்பு உள்ளது, என்ற கோணத்திலும் விசாரித்து வருகின்றனர்.
