கிருஷ்ணகிரி : கிருஷ்ணகிரி மாவட்டம் ஓசூரில், சர்வதேச போதை பொருள் ஒழிப்பு தினத்தையொட்டி விழிப்புணர்வு பேரணி நடந்தது. ஓசூர் துணை கண்காணிப்பாளர் பாபு பிரசாத் இந்த பேரணியை கொடியசைத்து துவக்கி வைத்தார். ஓசூர் அரசு ஆண்கள் மேல்நிலைப்பள்ளி மைதானத்தில் இருந்து துவங்கிய இந்த பேரணி நகரின் முக்கிய வீதிகள் வழியாக சென்றது. இதில் பங்கேற்ற போலீசார் மற்றும் மாணவ, மாணவியர் போதை பொருள் ஒழிப்பு விழிப்புணர்வு பதாகைகளை கையில் ஏந்தி, விழிப்புணர்வு கோஷங்களை எழுப்பி ஊர்வலமாக சென்றனர். பேரணியில் போதை பொருள் ஒழிப்பு விழிப்புணர்வு உறுதிமொழியும் ஏற்கப்பட்டது.
கிருஷ்ணகிரியிலிருந்து நமது குடியுரிமை நிருபர்
திரு.S.அஸ்வின்
