திருவள்ளூர்: திருவள்ளூர் மாவட்டம் மீஞ்சூரில் செங்குன்றம் சரக போக்குவரத்து காவல்துறை சார்பில் ஹெல்மெட் அணிவதன் அவசியம் குறித்த போக்குவரத்து காவல் ஆய்வாளர் சோபிதாஸ் ஆலோசனைப்படி போக்குவரத்து காவல் உதவி ஆய்வாளர் பாஸ்கரன் தலைமையில் விழிப்புணர்வு பிரச்சாரம் நடைபெற்றது. மீஞ்சூர்-வண்டலூர் வெளிவட்ட சாலை சந்திப்பில் போக்குவரத்து போலீசார் சாலையில் செல்லும் இருசக்கர வாகன ஓட்டிகளுக்கு சாலை விதிகள் குறித்து விழிப்புணர்வு ஏற்படுத்தினர்.
விபத்துக்களில் சிக்கும் போது ஹெல்மெட் அணிவதால் ஏற்படும் நன்மைகள் குறித்தும், சாலை விதிகளை கடைபிடித்து வாகனங்களை ஓட்டுவதால் ஏற்படும் நன்மைகள் குறித்தும் வாகன ஓட்டிகளுக்கு எடுத்துரைக்கப்பட்டது. இருவருக்கு மேல் இருசக்கர வாகனங்களில் பயணிக்க கூடாது எனவும், வாகனங்களுக்கு முறையாக காப்பீடு உள்ளிட்டவை செலுத்த வேண்டும் எனவும் அப்போது அறிவுறுத்தப்பட்டது. உடன் போக்குவரத்து காவலர் சந்திரசேகரன் உள்ளிட்டோர் உடன் இருந்தனர்.
திருவள்ளூரில் இருந்து குடியுரிமை நிருபர்
திரு. பாபு
