திருநெல்வேலி: திருநெல்வேலி மாவட்ட காவல் கண்காணிப்பாளர் திரு.ப.சரவணன், இ.கா.ப., அவர்கள் அறிவுரையின்படி மாவட்டத்தில் பல்வேறு பகுதிகளில் காவல்துறையினர் பொதுமக்களுக்கு பெண்கள், குழந்தைகள் பாதுகாப்பு குறித்தும், கொரோனா பாதுகாப்பு நடவடிக்கைகள் குறித்தும், சி.சி.டிவி கேமரா அமைப்பதன் பயன்கள் குறித்தும் விழிப்புணர்வு ஏற்படுத்தி வருகின்றனர்.
இதன்படி வள்ளியூர் காவல் ஆய்வாளர் திரு.சாகுல் ஹமீது, அவர்கள், வள்ளியூரில் பகுதி பொதுமக்களுக்கு சி.சி.டிவி கேமரா அமைப்பதன் பயன்கள் குறித்த அறிவுரை வழங்கினார். அப்போது ஆய்வாளர் அவர்கள் பொதுமக்களுக்கு வள்ளியூர் சுற்றுவட்டார பகுதியில் திருட்டு மற்றும் அசம்பாவிதங்களை தடுப்பதற்கு அவரவர் வீடுகளில் கண்காணிப்பு கேமராக்கள் பொருத்தி பாதுகாப்பாக இருக்க வேண்டும் எனவும் மேலும் தங்கள் வீடு மற்றும் முக்கிய பகுதிகளில் கண்காணிப்பு கேமராக்கள் பொருத்தும் பட்சத்தில் திருட்டுக்கள் மற்றும் குற்றச் செயல்களில் ஈடுபடும் சமூக விரோதிகளை அடையாளம் கண்டுகொள்ள முடியும் என பொதுமக்களுக்கு அறிவுரை வழங்கி கண்காணிப்பு கேமரா பொருத்துபவர்கள் வள்ளியூர் காவல் நிலையத்தில் தகவல் தெரிக்குமாறும் விழிப்புணர்வு ஏற்படுத்தினார்.
