தென்காசி : தென்காசி மாவட்ட காவல் கண்காணிப்பாளர் திரு.V.R. ஸ்ரீனிவாசன் அவர்களின் அறிவுறுத்தலின் பேரில் மாவட்டத்திலுள்ள அனைத்து பள்ளி, கல்லூரிகளில் மாணவர்களிடையே காவல் துறையினர் விழிப்புணர்வை ஏற்படுத்தி வருகின்றனர். இதே போல் இன்று பண்பொழியிலுள்ள அரசு மேல்நிலை பள்ளிக்கு நேரில் சென்ற மாவட்ட காவல் கண்காணிப்பாளர் அவர்கள், அங்கு பயிலும் மாணவ மாணவிகளுக்கு மக்களின் காவலன் திட்டத்தில் 1.சட்ட மற்றும் ஒழுங்கு 2. போதை ஒழிப்பு 3.குழந்தைகள் மற்றும் பெண்கள் 4. சைபர் குற்றங்கள் மற்றும் 5.சாலை விதிகள் குறித்த விழிப்புணர்வை ஏற்படுத்தினார். நிகழ்ச்சியின் இறுதியில் பள்ளி மாணவர்கள் குற்றங்கள் நடைபெற்றாலோ அல்லது நடைபெறுவது தெரிய வந்தாலோ உடனடியாக காவல்துறைக்கு தகவல் தெரிவிப்போம் மேலும் குற்றச்செயல்கள் நடைபெறாமல் தடுக்க அனைத்து முயற்சியும் எடுப்போம் என்று உறுதிமொழி எடுத்துக் கொண்டனர்.
