நெல்லை: நெல்லை டவுனில் ஒரு வீட்டில் இருந்து பல கோடி ரூபாய் மதிப்பிலான ஐம்பொன் சிலையை போலீசார் மீட்டனர். நெல்லை டவுன் சாலியர் தெருவை சேர்ந்தவர் கோவிந்தன் 74 என்பவர் வீட்டில் சிலை தடுப்பு சிறப்பு படையினர் நேற்று அதிரடி சோதனை நடத்தினர்.
அப்போது அவரது வீட்டில் உள்ள பூஜை அறையில் கிபி 18ஆம் நூற்றாண்டைச் சேர்ந்த 2 அடி உயரம் உள்ள 12 கிலோ எடை கொண்ட ஐம்பொன் புராதன தேவி சிலை கண்டுபிடிக்கப்பட்டது.இதன் மதிப்பு பல கோடி ரூபாய் இருக்கும் என்று கூறப்படுகிறது.
இருப்பினும் வரலாற்று ஆய்வாளர்கள், சிலை மதிப்பீட்டாளர்கள் வந்து ஆய்வு செய்த பின்புதான் சிலையின் உண்மையான மதிப்பீடு தெரியவரும் என போலீசார் தெரிவித்தனர்.