திருநெல்வேலி : திருநெல்வேலி மாவட்ட காவல் கண்காணிப்பாளர் திரு.N. சிலம்பரசன்., அவர்கள் உத்தரவின் படி, திருநெல்வேலியில் ஊர் காவல் படையினருக்கு தேர்வு நடைபெற்றது. இதில் தேர்வான 33 ஊர்க்காவல் படை வீரர்களுக்கு 45 நாட்கள் அடிப்படை பயிற்சி வழங்கப்பட்டது. இப்பயிற்சி 45 நாட்கள் நிறைவு பெற்ற நிலையில் திருநெல்வேலி மாவட்ட ஆயுதப்படை வளாகத்தில் வைத்து ஊர்க்காவல் படை வீரர்களுக்கு (26.02.2024) அணிவகுப்பு நிகழ்ச்சி நடைபெற்றது. இந்நிகழ்ச்சியில் மாவட்ட காவல் கண்காணிப்பாளர் திரு.N. சிலம்பரசன்., அவர்கள் கலந்துகொண்டு ஊர்க்காவல் படை வீரர்களின் அணிவகுப்பு மரியாதையை ஏற்றுக்கொண்டார். மேலும் இப்பயிற்சியில் சிறப்பான முறையில் செயல்பட்ட ஊர்க்காவல் படை வீரர்களுக்கு பரிசு பொருட்கள் வழங்கி பாராட்டினார். இந்நிகழ்வில் திருநெல்வேலி மாவட்ட ஆயுதப்படை துணை காவல் கண்காணிப்பாளர் திரு. சுப்பிரமணியன் அவர்கள், ஊர்க்காவல் படை துணை வட்டார தளபதி திரு. வினோத் வின்சென்ட் ராஜேஷ் அவர்கள், உதவி ஆய்வாளர் திரு. கணபதி அவர்கள் மற்றும் தலைமை காவலர் திரு. ஜான் கென்னடி ஆகியோர் கலந்து கொண்டனர்.
