மதுரை: மதுரை புதுமகாலிபட்டி ரோட்டில் ஒரு பிரியாணி கடை அருகே பெட்டி கடையில் பண்டல் பண்டலாக புகையிலை பொருட்கள் பதுக்கி வைத்திருப்பதாக தெற்குவாசல் போலீசாருக்கு தகவல் கிடைத்தது. அவர்கள் அந்த கடையில் திடீரென்று சோதனையில் ஈடுபட்டனர்.
அப்போது அந்த கடையின் 31 பண்டல்கள் புகையிலை பொருள்களும் 124 பாக்கெட்டுகளையும் கண்டுபிடித்து பறிமுதல் செய்தனர். கடை உரிமையாளர் ரமேஷ் 60 என்பவரை கைது செய்தனர்.
மற்றொரு இடமான் ஜெய்ஹிந்துபுரம் 2வது மெயின் ரோட்டில் ஒரு பள்ளிக்கூடம் அருகே பதுக்கி வைத்திருந்த சுரேஷ் 27 என்பவரை போலீசார் கைது செய்து அவரிடமிருந்து 5 பாக்கெட்டுகளை பறிமுதல் செய்தனர்.
மதுரை அண்ணாநகர் யானைகுழாய் அருகே ஒரு டீக்கடை அருகே பதுக்கி வைத்திருந்த ராஜேந்திரன் 45 என்பவரை கைது செய்து அவரிடமிருந்து அண்ணாநகர் போலீசார் 94 பல்வேறு வகையான புகையிலை பாக்கெட்டுகளை பறிமுதல் செய்தனர்.
