மயிலாடுதுறை: மயிலாடுதுறை காவல் நிலைய சிறப்பு உதவி ஆய்வாளர் திரு.R.ரவிவர்மா அவர்கள் தனது 31 வருட காவல் பணியில் சிறப்பாக செயலாற்றி 30.04.2024) பணி நிறைவு பெற்றார். திரு.R.ரவிவர்மா அவர்கள் மயிலாடுதுறை மாவட்டம் கோடியமங்களம் கிராமத்தை சேர்ந்த ராமவர்மா மற்றும் ராமாமிர்தம் தம்பதியானருக்கு (19.04.1964) ஆம் ஆண்டு பிறந்தவர். இவர் 1993 ஆம் ஆண்டு அக்டோபர் 25 ஆம் நாள் தமிழ்நாடு காவல் துறையில் பணியில் சேர்ந்து வேலூர் காவலர் பயிற்சி பள்ளியில் தனது பயிற்சியை முடித்து முதல் முதலில் தமிழ்நாடு சிறப்பு காவல்ப்படை திருச்சியில் தனது பணியை தொடங்கி பின்னர் கரூர் மாவட்ட ஆயுதப்படை, நாகப்பட்டினம் மாவட்ட ஆயுதப்படை, போக்குவரத்துக் காவல் நிலையம் மயிலாடுதுறை, குத்தாலம் காவல் நிலையம் ஆகிய இடங்களில் பணியாற்றி தற்போது மயிலாடுதுறை காவல் நிலையத்தில் சிறப்பு உதவி காவல் ஆய்வாளராக சிறப்பாக பணிபுரிந்து வந்த நிலையில் இன்று பணி நிறைவு பெற்றார். மேலும் அவரின் பணியை பாராட்டும் வகையில் மயிலாடுதுறை காவல் நிலையத்தில் மாவட்ட காவல் கண்காணிப்பாளர் அவர்களின் பாராட்டு சான்றிதழை வழங்கி காவல் ஆய்வாளர், உதவி ஆய்வாளர்கள் மற்றும் அனைத்து காவல் ஆய்வாளர்கள் தங்களது வாழ்த்துக்களையும் பாராட்டுக்களையும் தெரிவித்து பணி நிறைவு விழாவை சிறப்பித்தனர்.
