தென்காசி : தென்காசி மாவட்டம், ஊத்துமலை காவல் நிலைய எல்கைகுட்பட்ட வெங்கடேஸ்வரபுரம் பகுதியை சேர்ந்த ஆட்டோ ஓட்டுனரான சக்திவேல் என்ற நபர் (20.10.2024) அன்று ரெட்டியார்பட்டி ஆட்டோ ஸ்டான்டில் கீழே கிடந்த சுமார் 42 கிராம் தங்க செயினை எடுத்து உரிய முறையில் ஊத்துமலை காவல் நிலைய சார்பு ஆய்வாளர் செல்வி.பேச்சியம்மாள் அவர்களிடம் ஒப்படைத்துள்ளார். இந்நிலையில் ஆட்டோ ஓட்டுனர் சக்திவேல் அவர்களின் நேர்மையை பாராட்டும் விதமாக ( 21.10.2024) தென்காசி மாவட்ட காவல் அலுவலகத்திற்கு நேரில் அழைத்து தென்காசி மாவட்ட காவல் கண்காணிப்பாளர் திரு.V.R.ஶ்ரீனிவாசன் அவர்கள் பொன்னாடை அணிவித்து பரிசு வழங்கி கௌரவித்தார்.
