திருநெல்வேலி: திருநெல்வேலி மாவட்டத்தில் வருகின்ற 19.02.2022ம் தேதி நகராட்சி, பேரூராட்சி தேர்தல் பாதுகாப்பை முன்னிட்டு திருநெல்வேலி மாவட்ட காவல் கண்காணிப்பாளர் திரு.ப. சரவணன் இ.கா.ப..,அவர்கள் உத்தரவின்படி காவல்துறையினரின் கொடி அணிவகுப்பு முன்னீர்பள்ளம், பத்தமடை , சேரன்மகாதேவி காவல் நிலைய எல்லைகுட்பட்ட பகுதிகளில் மாவட்ட சைபர்கிரைம் பிரிவு கூடுதல் காவல் கண்காணிப்பாளர் திரு.சங்கு, பெண்கள், குழந்தைகள் கடத்தல் தடுப்பு சிறப்பு பிரிவு கூடுதல் காவல் கண்காணிப்பாளர் திரு.மாரிராஜன் தலைமையில் நடைபெற்றது.
முன்னீர்பள்ளம் காவல் நிலைய எல்லைக்குட்பட்ட கோபாலசமுத்திரம் பகுதியில் முக்கிய வீதிகளிலும் செங்குளம், மேலச்செவல் முக்கிய வீதிகளில் கொடி அணிவகுப்பு நடைபெற்றது.
பத்தமடை பகுதியில் காவல்நிலையத்தில் தொடங்கி, பஜார், முக்கிய வீதிகள் கொடி அணிவகுப்பு நடைபெற்றது.
சேரன்மகாதேவி காவல்நிலைய எல்லைக்குட்பட்ட சந்தனமாரி அம்மன் கோவிலில் தொடங்கி, சேரன்மகாதேவி பஜார், முக்கிய வீதிகளில் சென்று சேரன்மகாதேவி பேருந்து நிலையம் வரை கொடி அணிவகுப்பு நடைபெற்றது.
இக்கொடி அணிவகுப்பில் சேரன்மகாதேவி உட்கோட்ட துணை காவல் கண்காணிப்பாளர் திரு.ராமகிருஷ்ணன் ,காவல் ஆய்வாளர்கள், உதவி ஆய்வாளர்கள், மற்றும் போலீசார் கலந்து கொண்டனர்
