திருநெல்வேலி: திருநெல்வேலி மாவட்டத்தில் வருகின்ற நாடாளுமன்ற தேர்தல் பாதுகாப்பை முன்னிட்டு மக்கள் பயமின்றி வாக்களிக்கவும் மற்றும் பாதுகாப்பை உறுதி செய்யும் விதமாக திருநெல்வேலி மாவட்ட காவல் கண்காணிப்பாளர் திரு. N. சிலம்பரசன்., அவர்களின் நேரடி கண்காணிப்பில் நாங்குநேரி தாலுகா மஞ்சங்குளம் மற்றும் மறுகால்குறிச்சி பகுதிகளில் ரயில்வே பாதுகாப்பு படை 832-வது பட்டாலியன் உதவி காவல் கண்காணிப்பாளர் திரு. சின்னதுரை அவர்கள் தலைமையில் 45 ரயில்வே பாதுகாப்பு படை வீரர்கள் மற்றும் நாங்குநேரி காவல் ஆய்வாளர் திரு. பாலமுருகன் அவர்கள், உதவி ஆய்வாளர் திரு. பார்த்திபன் அவர்கள் மற்றும் காவலர்கள் இணைந்து கொடி அணிவகுப்பு நடைப்பெற்றது. மேலும் ரயில்வே பாதுகாப்பு படை வீரர்கள் மற்றும் காவலர்கள் இணைந்து மஞ்சான்குளம் ஊரிலும் மற்றும் நாங்குநேரி தேசிய நெடுஞ்சாலை டோல் கேட்டிலும் வாகன தணிக்கையில் ஈடுபட்டுள்ளனர்.
