தேனி : தேனி அருகே தம்பதியர், மகள் உள்பட மூன்றுபேரை காணவில்லை என காவல் நிலையத்தில் புகார் செய்யப்பட்டுள்ளது. தேனி அருகே உள்ள அரண்மனைபுதூர் முல்லை நகர் தெருவைச் சேர்ந்தவர் கோவிந்தராஜ் மகன் ராமன் (42), கூலித்தொழிலாளி. இவர் இவரது மனைவி மணிமாலா (36), மற்றும் இவரது மகள் வைஷ்ணவி (13), ஆகியோர் வீட்டை விட்டு சென்றவர்கள் மீண்டும் திரும்பவில்லை. . பல இடங்களில் தேடியும் கிடைக்காத நிலையில் தேனிகாவல் நிலையத்தில் புகார் செய்யப்பட்டது. இதன் அடிப்படையில் தேனி போலீசார் வழக்குப்பதிவு செய்து தேடி வருகின்றனர்.
