தூத்துக்குடி : தமிழ்நாடு காவல்துறையினருக்கான மாநில அளவிலான துப்பாக்கி சுடும் போட்டி செங்கல்பட்டு மாவட்டம் ஒத்திவாக்கத்தில் உள்ள கமாண்டோ பயிற்சி பள்ளி மையத்தில் கடந்த (27.09.2024) மற்றும் (28.09.2024) ஆகிய 2 நாட்கள் நடைபெற்றது. இந்த போட்டியில் பல்வேறு மண்டலங்களாக காவல்துறையினர் கலந்து கொண்டனர். இதில் தென்மண்டல காவல்துறை சார்பாக தூத்துக்குடி மாவட்ட காவல் கண்காணிப்பாளர் திரு. ஆல்பர்ட் ஜான் இ.கா.ப அவர்களின் தலைமையில் தூத்துக்குடி, தென்காசி, திருநெல்வேலி, கன்னியாகுமரி, மதுரை, விருதுநகர், இராமநாதபுரம், தேனி, திண்டுக்கல், சிவகங்கை ஆகிய மாவட்டங்களைச் சேர்ந்த 37 காவல்துறையினர் கலந்துகொண்டு 4 தங்க பதக்கங்கள், 3 வெள்ளி பதக்கங்கள் மற்றும் 3 வெண்கல பதக்கங்கள் என மொத்தம் 10 பதக்கங்களை பெற்றுள்ளனர்.
மேற்படி பதக்கங்களை பெற்ற காவல்துறையினர் (30.09.2024) மாவட்ட காவல் அலுவலகத்தில் வைத்து மாவட்ட காவல் கண்காணிப்பாளர் திரு. ஆல்பர்ட ஜான் இ.கா.ப அவர்களை நேரில் சந்தித்து வாழ்த்து பெற்றனர். மாவட்ட காவல் கண்காணிப்பாளர் அவர்களும் பதக்கங்கள் பெற்ற காவல்துறையினரை பாராட்டி மென்மேலும் பதக்கங்கள் பெற வாழ்த்தினார்.
