திருநெல்வேலி: திருநெல்வேலி மாவட்டம் வி.கே.புரம் பகுதியில் 08.12.2021 அன்று பள்ளி மாணவர் பேருந்து படிக்கட்டில் தொங்கியபடி பயணம் செய்ததில் பேருந்து வளைவில் திரும்பியபோது காலில் அடிபட்டு எலும்பு முறிவு ஏற்பட்டது.
இனிவரும் காலங்களில் இவ்வாறு விபத்து நிகழ்வதை தடுக்க மாணவர்களாகிய நீங்கள்… பேருந்துகளில் பயணம் செய்யும் பொழுது படிக்கட்டில் தொங்கிய படி பயணம் செய்யாதீர்கள்.
பேருந்தை பிடிப்பதற்கு ஓடுவது என்ற நிலைக்கு இடம் கொடுக்காதவாறு இருப்பிடத்திலிருந்து சீக்கிரமாகவே கிளம்பி விடுங்கள்.
படியில் பயணம் செய்து தங்களது எதிர்கால வாழ்வை தொலைத்து விடாதீர்கள்.
மேற்படி படிக்கட்டில் தொங்கிய படி பயணம் செய்தால் சட்டப்படி நடவடிக்கை எடுக்கப்படும்.
மக்கள் பாதுகாப்பில் என்றும் திருநெல்வேலி மாவட்ட காவல்துறை.
