திருநெல்வேலி: திருநெல்வேலி, கங்கைகொண்டான் காவல் நிலைய சரகத்திற்குட்பட்ட ஆலங்குளம், கிடாரகுளத்தை சேர்ந்த சிவபாலன் (25). என்பவர் சிப்காட்டிலுள்ள நிறுவனத்தில் (11.09.2024) அன்று தனது ரோடு ரோலர் ஹிட்டாச்சி வண்டியையும், ஒரு இருசக்கர வாகனத்தையும் நிறுத்திவிட்டு சென்றுள்ளார். பின்பு மறுநாள் வந்து பார்த்தபோது ரோடு ரோலர் ஹிட்டாச்சி வண்டியிலுள்ள பேட்டரியையும், இருசக்கர வாகனத்தையும் காணவில்லை. இது குறித்து சிவபாலன் கங்கைகொண்டான் காவல் நிலையத்தில் புகார் அளித்ததன் அடிப்படையில் உதவி ஆய்வாளர், சுதன் வழக்கு பதிவு செய்து விசாரணை மேற்கொண்டதில் மதுரை மாவட்டம், கே.புதூரை சேர்ந்த தீபன்ராஜ் (40). என்பவர் திருட்டில் ஈடுபட்டது தெரிய வந்தது. இதனை அடுத்து காவல் ஆய்வாளர், வேல்கனி தீபன்ராஜை (13.09.2024) இன்று கைது செய்தார். மேலும் அவரிடமிருந்து பேட்டரியையும், இருசக்கர வாகனத்தையும் பறிமுதல் செய்து செய்து நடவடிக்கை மேற்கொண்டுள்ளார்.
திருநெல்வேலியில் இருந்து நமது குடியுரிமை நிருபர்
சண்முகநாதன்
