திருநெல்வேலி : தமிழ்நாடு சட்டக் கல்வி இயக்ககம், திருநெல்வேலி அரசு சட்டக் கல்லூரி ஆகியவற்றின் சார்பில் நடைபெறும் மாநில அளவிலான தமிழ் மாதிரி நீதிமன்ற போட்டியை (13.03.2025) அன்று தொடங்கி வைத்து திருநெல்வேலி சரக காவல்துறை துணைத் தலைவர் முனைவர் பா.மூா்த்தி, இ.கா.ப., பேசியதாவது, காவல் துறையில் பணியாற்றும் நான், ஒரு சட்டம் பயின்ற மாணவன் என்பதில் மிகுந்த மகிழ்ச்சியடைகிறேன். எனது கல்வியை முடிக்கும் காலத்தில் 1 மதிப்பெண்ணிற்காக ஒரு வழக்கு தொடர்ந்தேன். அந்த வழக்கு இன்று முன்மாதிரி வழக்காக எடுத்துரைக்கப்பட்டு வருகிறது. இளம் வழக்கறிஞர்கள் தங்களது வாத திறமையை வளர்க்க தேவையான முயற்சிகளை எடுக்க வேண்டும். புள்ளி விவரங்கள் மட்டுமே வழக்கின் வெற்றிக்கு கூடுதல் பலம் சேர்க்கும்.
செயற்கை நுண்ணறிவு தொழில்நுட்பத்தில் இப்போது விரல் நுனியில் தகவல்கள் கிடைக்கின்றன. இருப்பினும் ஒவ்வொரு தகவலின் உண்மைத் தன்மை குறித்த தெளிவும், சட்ட அறிவும் இருந்தால் மட்டுமே வழக்குகளைக் கையாள முடியும். சட்ட நுணுக்கங்களை அனுபவ ரீதியாக, கடுமையான உழைப்பினால் பெரும்போது அதில் கிடைக்கும் வெற்றி மிகவும் மகிழ்ச்சியைத் தரும். எந்தவொரு வழக்கையும் கையாளும்போது அலட்சியமாக கையாளாமல், புதிய அனுபவமாக எடுத்துக் கொண்டு ஆராய்ந்து வாதாட வேண்டும் என்றார் அவர். விழாவில் தமிழகத்தின் பல்வேறு பகுதிகளைச் சேர்ந்த 26 சட்டக் கல்லூரிகளின் மாணவா்-மாணவிகள் பங்கேற்றனர்.
திருநெல்வேலியில் இருந்து நமது குடியுரிமை நிருபர்
சண்முகநாதன்
