தூத்துக்குடி: (23.11.2024) கோவில்பட்டி உட்கோட்ட காவல் துணை கண்காணிப்பாளர் முகாம் அலுவலகத்தில், கோவில்பட்டி உட்கோட்ட கட்டுப்பாட்டில் உள்ள கோவில்பட்டி கிழக்கு, கோவில்பட்டி மேற்கு, கொப்பம்பட்டி, நாளாட்டின்புதூர், கழுகுமலை, கயத்தாறு மற்றும் கோவில்பட்டி அனைத்து மகளிர் காவல் நிலையம் ஆகிய காவல் நிலையங்களின் முக்கிய வழக்கு கோப்புகளையும், அலுவலகத்தில் பராமரிக்கப்படும் ஆவணங்களையும் தூத்துக்குடி மாவட்ட காவல் கண்காணிப்பாளர் திரு. ஆல்பர்ட் ஜான் இ.கா.ப அவர்கள் பார்வையிட்டு ஆய்வு மேற்கொண்டார்.
அதனை தொடர்ந்து மாவட்ட காவல் கண்காணிப்பாளர் கோவில்பட்டி உட்கோட்ட காவல் அலுவலக போலீசாருக்கு அவர்கள் மேற்கொள்ளவேண்டிய பணிகள் குறித்து அறிவுரைகள் வழங்கி, உட்கோட்ட அலுவலக வளாகம் சுத்தமாக வைக்கப்பட்டுள்ளதா என பார்வையிட்டு வளாகத்தில் மரக்கன்று நட்டார். இந்த ஆய்வின்போது கோவில்பட்டி உட்கோட்ட காவல் துணை கண்காணிப்பாளர் திரு. வெங்கடேஷ் உட்பட காவல் ஆய்வாளர்கள் மற்றும் காவல்துறையினர் உடனிருந்தனர்.
