தூத்துக்குடி: (20.12.2024) திருச்செந்தூர் உட்கோட்ட காவல் துணை கண்காணிப்பாளர் முகாம் அலுவலகத்தில், திருச்செந்தூர் உட்கோட்ட கட்டுப்பாட்டில் உள்ள திருச்செந்தூர் தாலுகா, ஆறுமுகநேரி, ஆத்தூர், குலசேகரன்பட்டினம் மற்றும் திருச்செந்தூர் கோவில் காவல் நிலையம் ஆகிய காவல் நிலையங்களின் முக்கிய வழக்கு கோப்புகளையும், அலுவலகத்தில் பராமரிக்கப்படும் ஆவணங்களையும் தூத்துக்குடி மாவட்ட காவல் கண்காணிப்பாளர் திரு. ஆல்பர்ட் ஜான் இ.கா.ப அவர்கள் பார்வையிட்டு ஆய்வு மேற்கொண்டு முகாம் அலுவலக காவல்துறையினருக்கு அவர்கள் மேற்கொள்ளவேண்டிய பணிகள் குறித்து அறிவுரைகள் வழங்கினார். இந்த ஆய்வின்போது திருச்செந்தூர் உட்கோட்ட காவல் துணை கண்காணிப்பாளர் திரு. மகேஷ்குமார் உட்பட காவல்துறையினர் உடனிருந்தனர்.
