திருவண்ணாமலை: திருவண்ணாமலை மாவட்டத்தை உட்பட ஜவ்வாது மலைப்பகுதியில் கடந்த ஆண்டுகளாக பரவலாக இருந்த கள்ளச்சாராயம் காய்ச்சல் மற்றும் விற்பனை தற்போது கணிசமாக குறைந்துள்ளதாக மக்களும் சமூக ஆர்வலர்களும் தெரிவித்துள்ளனர். இந்த மாற்றத்திற்கு முக்கிய காரணமாக, மலைப்பகுதிகளில் உள்ள கிராம மக்கள் ஒட்டுமொத்தமாக கள்ளச்சாராய தொழிலை எதிர்த்து ஊர் கட்டுப்பாடுகள் மூலம் தடை விதித்ததைக் குறிப்பிடலாம். கிராம சபைகள் மற்றும் பொதுமக்கள் சாராயத்தை காய்ச்சும் எவரையும் எதிர்த்து நடவடிக்கை எடுத்து வருகின்றனர். இதனுடன், மதுவிலக்கு சட்டத்தில் செய்யப்பட்ட திருத்தங்களும், போலீசாரின் தீவிர கண்காணிப்பும், சட்ட நடவடிக்கைகளும் இப்படியான தடையை நிலைநிறுத்த உதவியதாகக் கூறப்படுகிறது.
மேலும், சட்ட நடவடிக்கைகளுக்குப் பின் பலரும் தங்கள் பழைய வழிகளை விட்டுவிட்டு, நேர்மையான வாழ்வைத் தேர்ந்தெடுத்து வருவதாகவும் தகவல்கள் வெளியாகியுள்ளன.
மக்கள் துணிச்சலாகக் குரல் கொடுத்து இத்தொழிலை ஒழிக்க முனைந்திருப்பதும், சமூக ஆர்வலர்கள் தொடர்ந்து விழிப்புணர்வு நிகழ்ச்சிகள் நடத்திவருவதும் பாராட்டத்தக்கது. இந்த நிலை தொடருமாயின், ஜவ்வாது மலை ஒரு சட்டமுறைமையுள்ள, சமூக ஒற்றுமையுடன் கூடிய முன்னேற்ற பாதையில் பயணிக்கும் பகுதியாக மாறும் என்ற நம்பிக்கையை சமூக ஆர்வலர்கள் தெரிவித்துள்ளனர்.
திருவண்ணாமலை மாவட்ட நிருபர்
க. முத்து
