நெல்லை: திசையன்விளை அருகே உள்ள தரகன் கோட்டையைச் சேர்ந்தவர் அழகுராஜா இவரது மனைவி பாலசரஸ்வதி(32) இவர் திசையன்விளை பஞ்சாயத்தில் ஊழியராக பணி புரிந்து வருகிறார்.
இந்த நிலையில் சம்பவத்தன்று நேற்றுமுன்தினம் செல்வமருதூர் பவுண்டு தெருவில் நின்று கொண்டிருந்த பாலசரஸ்வதியிடம் இருந்து செல்போனை அந்த வழியாக மோட்டார் சைக்கிளில் வந்த 2 வாலிபர்கள் பறித்து கொண்டு தப்பி சென்றனர்.
இதுகுறித்து திசையன்விளை போலீசார் வழக்கு பதிவு செய்து விசாரணை நடத்தியதில் திசையன்விளை திருமண மண்டபம் தெருவைச் சேர்ந்த சண்முகசுந்தரம்(26) உட்பட 2 பேர் செல்போன் பறிப்பு சம்பவங்களில் ஈடுபட்டது தெரியவந்தது.
இதையடுத்து சண்முக சுந்தரத்தை போலீசார் கைது செய்து அவரிடம் இருந்த செல்போன் மற்றும் மோட்டார் சைக்கிளும் பறிமுதல் செய்தனர். மேலும் தலைமறைவாக உள்ள 2 பேரை தேடி வருகின்றனர்.