தூத்துக்குடி: தூத்துக்குடி மாவட்டம் சாத்தான்குளம் காவல் நிலைய ஆய்வாளர் திரு. பாஸ்கரன் தலைமையில் உதவி ஆய்வாளர் திரு. எபநேசர் மற்றும் போலீசார் நேற்று ரோந்து பணியில் ஈடுபட்ட போது சாத்தான்குளம் காவல் நிலைய எல்லைக்குட்பட்ட ஆலங்கிணறு கல்லறை பகுதியில் திருநெல்வேலி அழகப்பபுரம் பகுதியைச் சேர்ந்தவர்களான ராஜ் மகன் மாடசாமி 40, மாடசாமி மகன் பாலகிருஷ்ணன் 38, திசையன்விளை கீரைக்கார தெருவை சேர்ந்த இசக்கிபாண்டி மகன் சுடலைகண்ணு (எ) துரை 32, திசையன்விளை உருமாங்குளம் பகுதியைச் சேர்ந்த மாடசாமி மகன் இசக்கிமுத்து 38. திருநெல்வேலி மாதன்குளம் பகுதியைச் சேர்ந்த உடையார் மகன் ராஜகோபால் 50 மற்றும் திருநெல்வேலி கீரைகாரன் தட்டு பகுதியைச் சேர்ந்த இசக்கி மகன் சுடலைக்கண்ணு 35. ஆகிய 6 பேர் பணத்திற்காக சீட்டு வைத்து சூதாட்டத்தில் ஈடுபட்டது தெரியவந்தது.
இதுகுறித்து சாத்தான்குளம் காவல் நிலைய போலீசார் வழக்கு பதிவு செய்து எதிரிகள் மாடசாமி,
சுடலைகண்ணு (எ) துரை, இசக்கிமுத்து, பாலகிருஷ்ணன், ராஜகோபால், சுடலைகண்ணு ஆகிய 6 பேரையும் கைது செய்து அவர்களிடமிருந்து சீட்டு கட்டுகளையும், ரூபாய் 7,600 ரொக்க பணத்தையும் பறிமுதல் செய்தார்.
