சிவகங்கை: சிவகங்கை மாவட்டம் சிவகங்கை அருகே கீழப்பூங்குடி பகுதியைச் சேர்ந்த மாரிமுத்து மற்றும் அவரது மனைவியும் சேர்ந்து வீட்டுடன் சேர்ந்த இடத்தை அடமானமாக வைத்து அதே ஊரை சேர்ந்த பாக்கியம் என்பவரிடம் ரூபாய் 1.75 லட்சம் பணத்தை வீடு கட்டுவதற்காக கடனாக பெற்றனர். மேலும் பாக்கியம் கொடுத்த பணத்தை பலமுறை மாரிமுத்துவிடம் கேட்டதற்கு முன்னுக்குப் பின் முரணாக கூறியும், அடமானம் வைத்த வீட்டை காலி செய்யாமலும் ஏமாற்றி உள்ளார். இதுகுறித்து பாக்கியம் மாவட்ட காவல் கண்காணிப்பாளர் அவர்களிடம் 06.08.18 அன்று புகார் அளித்தார். இதுதொடர்பாக மாவட்ட காவல் கண்காணிப்பாளர் அவர்கள் அளித்த உத்தரவின் பேரில் மாவட்ட குற்றப்பிரிவு போலீசார் 16.10.2019 அன்று மாரிமுத்து மற்றும் மனைவி மீது u/s 406, 420, 120(b) -ன் கீழ் வழக்கு பதிந்து கைது செய்து சிறையில் அடைத்தனர்.
