மயிலாடுதுறை: மயிலாடுதுறை மாவட்டத்தில் பணிபுரிந்து வந்த திரு.R.நடராஜன், சிறப்பு உதவி ஆய்வாளர் என்பவர் மாவட்ட தனிப்பிரிவில் எழுத்தராக பணிபுரிந்து இன்று (30.4.24)ந் தேதி பணி முதிர்வின் காரணமாக ஓய்வில் செல்கிறார். இவர் கடந்த 1986ம் ஆண்டு காவல்துறை பணியில் சேர்ந்து இன்று வரை 38 ஆண்டுகளில் வெளிப்பாளையம், குடவாசல், நாகூர், திட்டச்சேரி, சீர்காழி மற்றும் பல்வேறு காவல் நிலையங்களில் சிறப்பாக பணிபுரிந்துள்ளார்.
இதேபோல் மயிலாடுதுறை காவல் நிலையத்தில் பணிபுரிந்து வந்த R.ரவிவர்மா (சிறப்பு உதவி ஆய்வாளர்) என்பவரும் கடந்த 1993ம் ஆண்டு பணியில் சேர்ந்து திருச்சி, கரூர், நாகப்பட்டினம் மாவட்டங்களில் பணிபுரிந்து தற்போது மயிலாடுதுறை மாவட்டத்தில் சிறப்பாக பணிபுரிந்து (30.4.24)ம் தேதி பணி ஓய்வில் சென்றுள்ளார். மேற்கண்ட இருவரையும் அவர்களது பணியினை பாராட்டி காவல் கண்காணிப்பாளர் சான்று வழங்கினார்.
