திருநெல்வேலி: காவல்துறையில் உயர் அதிகாரிகளின் உத்தரவுகளை அனைத்து காவலர்களுக்கும் மிக எளிமையான முறையில் தகவலை கொண்டு சேர்ப்பதற்கும், மாவட்டத்தில் நடைபெறும் குற்ற சம்பவங்களில் ஈடுபடும் குற்றவாளிகளை உடனடியாக பிடிப்பதற்கு காவல் துறையினர் உடனடியாக காவல் கட்டுப்பாட்டு அறையை தொடர்பு கொண்டு அவர்கள் உதவியுடன் விரைந்து நடவடிக்கை எடுத்து வருகின்றனர். இவ்வாறு முக்கிய பிரிவாக காவல் துறையில் மாவட்ட காவல் கட்டுப்பாட்டு அறை இன்றியமையாத ஒன்றாக விளங்குகிறது.
திருநெல்வேலி மாவட்ட காவல் அலுவலக வளாகத்தில் இயங்கி வரும் மாவட்ட காவல் கட்டுப்பாட்டு அறையை திருநெல்வேலி மாவட்ட காவல் கண்காணிப்பாளர் திரு.சரவணன், இ.கா.ப., அவர்கள் இன்று திடீர் ஆய்வு மேற்கொண்டார்.
அப்போது பணியில் இருந்த காவலர்களுக்கு காவல் கண்காணிப்பாளர் அவர்கள் முக்கிய அறிவுரைகளை வழங்கினார். மேலும் காவல் கட்டுப்பாட்டு அறையில் 10 ஆண்டு காலம் சிறப்பாக பணிபுரிந்து வரும் தலைமை காவலர் திரு.கணேஷ் சரவணன் பாபு, அவர்களின் தகவல் தொடர்புகளை கவனித்த காவல் கண்காணிப்பாளர் இனிமையான குரல் வளத்தால், தகவல் தொடர்புகளை மிக எளிமையாகவும், முழு ஈடுபாட்டுடனும் தகவல்களை காவலர்களுக்கு அவ்வபோது கொண்டு சேர்க்கிறார் என பாராட்டினார்.
மேலும் தலைமை காவலரின் பணியை பாராட்டி மாவட்ட காவல் கண்காணிப்பாளர் திரு.ப.சரவணன். இ.கா.ப., அவர்கள் பரிசுப் பொருட்கள் வழங்கி பாராட்டினார். பின்னர் காவல் கட்டுப்பாட்டு அறையில் சிறப்பாக பணியாற்றி வரும் காவல்துறையினருக்கு வெகுமதி வழங்கவும் உத்தரவிட்டுள்ளார்.
