கோவை : கோவை அருகே உள்ளதொண்டாமுத்தூர், கிழக்கு வீதியை சேர்ந்தவர் காளியம்மாள், (70), இவர் ஆடு மேய்க்கும் தொழில் செய்து வருகிறார். நேற்று காளியம்மாள் அப்பகுதியில் உள்ள மயானத்தின் அருகில்ஆடுகளை மேய்த்து கொண்டிருந்தார். அப்போது அந்த வழியாக இருசக்கர வாகனத்தில், சுமார் (25) ,வயது மதிக்கத்தக்க ஒரு பெண்ணும், ஒரு வாலிபரும் வந்துள்ளனர்.
இருசக்கர வாகனத்தில் இருந்து, அந்த வாலிபர் மட்டும் இறங்கி வந்து, முகவரி கேட்பதுபோல காளியம்மாளிடம், பேச்சு கொடுத்துள்ளார். அப்போது திடீரென அந்த வாலிபர், காளியம்மாளின் கழுத்திலிருந்த, 5 பவுன் செயினை பறித்துக்கொண்டு, அந்த பெண்ணுடன் பைக்கில் ஏறி தப்பி சென்றார். இதுகுறித்துகாளியம்மாள் தொண்டாமுத்தூர் காவல் நிலையத்தில் புகார் செய்தார . போலீசார் வழக்குப்பதிவு செய்து விசாரணை நடத்தி வருகிறார்கள்.
கோவையிலிருந்து நமது குடியுரிமை நிருபர்
A. கோகுல்
