திண்டுக்கல்: திண்டுக்கல், வடமதுரையை அடுத்த மோர்பட்டி பிரிவு அருகே வடமதுரை காவல் நிலைய ஆய்வாளர் செந்தில்குமார் தலைமையில் சார்பு ஆய்வாளர் சித்திக் மற்றும் காவலர்கள் வாகன சோதனையில் ஈடுபட்டிருந்தனர். அப்போது வேகமாக வந்த காரை நிறுத்தி சோதனை செய்ததில் அதில் கஞ்சா கடத்தி செல்வது தெரியவந்தது. இதனை அடுத்து போலீசார் காரில் கஞ்சா கடத்தி வந்த முகமது மீரான், முகமது இர்பான், முகமது அப்துல்லா, ஷேக் அப்துல்லா ஆகிய 4 பேரை கைது செய்து அவர்களிடமிருந்து 1.1/2 கிலோ கஞ்சா கடத்தலுக்கு பயன்படுத்திய கார் ஆகியவற்றை பறிமுதல் செய்து வழக்கு பதிவு செய்து விசாரணை மேற்கொண்டு வருகின்றனர். இவர்கள் திண்டுக்கல்லில் தி.மு.க பிரமுகர் பட்டறை சரவணன் கொலை வழக்கில் தொடர்புடையவர்கள் என்பது குறிப்பிடத்தக்கது.
திண்டுக்கல்லில் இருந்து நமது குடியுரிமை நிருபர்.
திரு.அழகுராஜா
