ஈரோடு : கோவை மாவட்டம், உக்கடம் பகுதியை சேர்ந்தவர் ரபிக், இவருடைய மகன் தவுபிக் (21), கல்லூரி மாணவர். இவர் நேற்று தனது உறவினர்களுடன் ஈரோடு மாவட்டம், கொடிவேரி, அணைக்கு சுற்றுலா வந்து உள்ளார். கொடிவேரி அணையை சுற்றி பார்த்த பிறகு, அங்குள்ள ஆற்று பாலத்துக்கு கீழ் இறங்கி தவுபிக், குளித்து கொண்டிருந்தார். அப்போது ஆழமான பகுதிக்கு அவர் சென்று உள்ளார்.
அவருக்கு நீச்சல் தெரியாததால், தண்ணீரில் தத்தளித்தார். இதனால் அவர் நீரில் மூழ்கினார். இதை கண்டதும் அங்கிருந்தவர்கள் விரைந்து சென்று தவுபிக்கை, மீட்டு சத்தியமங்கலம் அரசு மருத்துவமனையில், கொண்டு சென்றனர். அங்கு பரிசோதனை செய்த மருத்துவர்கள், ஏற்கனவே தவுபிக் இறந்துவிட்டதாக தெரிவித்தனர். இதுகுறித்து பங்களாப்புதூர், காவல் துறையினர் , வழக்குப்பதிவு செய்து விசாரணை நடத்தி வருகிறார்கள்.
ஈரோட்டில் இருந்து நமது குடியுரிமை நிருபர்கள் :
