சேலம் : சேலம் வழியாக செல்லும் ரயில்களில் கஞ்சா கடத்தப்படுவதை தடுக்கும் வகையில் ரயில்வே காவல் துறையினர் , ரயில்களில் சோதனை நடத்தி வருகின்றனர். இந்த நிலையில் கடந்த சில நாட்களாக சேலம் ரெயில்வே போலீசார் மோப்ப நாய் உதவியுடன் சோதனையில் ஈடுபட்டு வருகிறார்கள். இதனிடையே நேற்று காலை காவல் ஆய்வாளர் திரு . சிவசெந்தில்குமார், தலைமையில் காவல் துறையினர்கள் திரு . முத்துவேல், திரு . தமிழ்செல்வன், திரு . ஸ்ரீநாத், ஆகியோர் கொண்ட தனிப்படையினர் பாட்னா – எர்ணாகுளம் ரயிலில் (வண்டி எண் 22644) டேனீஷ்பேட்டை முதல் கருப்பூர் ரயில் நிலையம் இடையே சோதனை நடத்தியபோது எஸ் -10 பெட்டியில் கருப்பு நிற பை ஒன்று சந்தேகப்படும்படியாக இருந்தது, இதையடுத்து காவல் துறையினர், அந்த பையை திறந்து பார்த்த போது, அதில் 5 கிலோ கஞ்சா இருந்தது. மேலும் காவல் துறையினர், நடத்திய, விசாரணையில் கஞ்சாவை கடத்தி வந்தது கேரள மாநிலம் பாலக்காடு பகுதியை சேர்ந்த பிரமோத் (22), என்பது தெரியவந்தது, இதனையடுத்து ரயில்வே காவல் துறையினர், அவரை கைது செய்ததுடன் 5 கிலோ கஞ்சாவை பறிமுதல் செய்தனர். இது குறித்து ரெயில்வே காவல் துறையினர், வழக்குப்பதிவு செய்து விசாரணை நடத்தி வருகின்றனர்.
சேலத்திலிருந்து நமது குடியுரிமை நிருபர்
திரு.ஜாபர்
