நெல்லை: ராஜவல்லிபுரத்தை சேர்ந்த ஜெகநாதன் இவரது மகன் பாபு(40) இவர் மீது தாழையூத்து காவல் நிலையத்தில் பல்வேறு வழக்குகள் நிலுவையில் உள்ளன.
சம்பவத்தன்று நேற்று முன்தினம் பாபு தனது உறவினர்களுடன் மோட்டார் சைக்கிளில் ராஜவல்லிபுரம் குளத்தின் கரையோரம் சென்று கொண்டிருந்தார்.அப்போது அவரை வழிமறித்த ஒரு கும்பல் அரிவாளால் சரமாரியாக வெட்டிவிட்டு அங்கிருந்து தப்பி ஓடினர்.இதில் சம்பவ இடத்திலேயே பாபு உயிரிழந்தார்.
இது குறித்து தாழையூத்துபோலீசார் வழக்குப்பதிவு செய்து விசாரணை நடத்தினர்.விசாரணையில் இவ்வழக்கில் தொடர்புடைய ராஜவள்ளிபுரம் அம்மன் கோவில் தெருவைச் சேர்ந்த பட்டன் மகன் கந்தன்(19),சுடலை கோவில் தெருவைச் சேர்ந்த பேச்சிமுத்து மகன் கோமதி சங்கர்(18)ஆகிய இருவரை நேற்று போலீசார் கைது செய்தனர்.
மேலும் இதில் தொடர்புடைய முருகன், விஜய், மாயாண்டி என்ற வலதி, சுரேஷ் ஆகியோரை தேடி வருகின்றனர்..