திருநெல்வேலி: திருநெல்வேலி மாவட்டம், திருக்குறுங்குடி காவல் நிலைய உதவி ஆய்வாளர் திரு.ராஜேந்திரன்,அவர்கள் தலைமையிலான தலைமை காவலர் திரு.அகஸ்டின், காவலர் திரு.முத்து கிருஷ்ணன், ஆகியோர் 27.12.2021 அன்று மாலை திருக்குறுங்குடி, ராஜபுதூர் அருகே வாகன தணிக்கையில் ஈடுபட்டுக் கொண்டிருந்தனர்.
அப்போது இருசக்கர வாகனத்தில் வந்த இரண்டு நபர்களை காவல்துறையினர் நிறுத்தி விசாரணை செய்தபோது இருவரும் முன்னுக்குப்பின் முரணான தகவல்களை அளித்தனர்.
இதனால் சந்தேகமடைந்த உதவி ஆய்வாளர் அவர்கள் தனது செல்போனில் உள்ள CCTNS Mobile App மூலம் மேற்படி நபர்களின் பெயர்களை வைத்து தேடியதில் அவர்கள் பழைய வழக்கில் தேடப்பட்டு வந்த குற்றவாளிகள் என தெரியவந்தது.
மேற்படி குற்றவாளிகள் மீது காவல்துறையினரால் சட்டபடி நடவடிக்கை எடுக்கப்பட்டது. இத்தகவலை அறிந்த திருநெல்வேலி மாவட்ட காவல் கண்காணிப்பாளர் திரு.ப.சரவணன், இ.கா.ப அவர்கள் பணியில் திறமையாக செயல்பட்டு குற்றவாளிகளை CCTNS Mobile App மூலம் கண்டுபிடித்த உதவி ஆய்வாளர் அவர்களுக்கும் தலைமை காவலர் மற்றும் காவலருக்கும் இன்று திருநெல்வேலி மாவட்ட காவல் அலுவலகத்தில் வைத்து பாராட்டி பரிசு மற்றும் வெகுமதி வழங்கினார்.
