திருநெல்வேலி : திருநெல்வேலி மாவட்டம் சீதப்பற்ப நல்லூர் காவல் நிலைய சரகத்திற்குள்பட்ட பகுதியில் அடிதடி மற்றும் கொலை முயற்சியில் ஈடுபட்டது தொடா்பான வழக்கில், தென்காசி மாவட்டம், மாறாந்தையைச் சோ்ந்த செல்லபாண்டி மகன் மகாராஜன் (25) கைது செய்யப்பட்டிருந்தாா்.
இந்நிலையில், பொது அமைதிக்கு குந்தகம் விளைவிக்கும் வகையில் செயல்பட்டு வந்த அவரை குண்டா் தடுப்புக் காவல் சட்டத்தின் கீழ் கைது செய்ய மாவட்ட காவல் கண்காணிப்பாளர் N.சிலம்பரசன், இ.கா.ப., ஆட்சியருக்குப் பரிந்துரைத்தாா். அதன்பேரில், ஆட்சியா் பிறப்பித்த உத்தரவுப்படி, அவா் பாளையங்கோட்டை மத்திய சிறையில் 06.06.2025 அன்று அடைக்கப்பட்டாா்
திருநெல்வேலியில் இருந்து நமது குடியுரிமை நிருபர்
சண்முகநாதன்
