சென்னை : சென்னை, பெரம்பூர் பகுதியில் வசித்து வரும் முகமதுரபிக் (வ/48) என்பவர் ஆட்டோ ஓட்டுநராக வேலை செய்து வருகிறார். முகமது ரபிக் சக ஆட்டோ ஓட்டுனரான வேலு (எ) வேலாயுதம் என்பவருடன் சேர்ந்து 09.04.2022 அன்று செம்பியம் பேப்பர் மில்ஸ் ரோடு அருகே உள்ள டாஸ்மாக் பாரில் மது அருந்திக்கொண்டிருந்த போது, இருவருக்குமிடையே நடந்த வாக்குவாதம் முற்றியதில் ஆத்திரமடைந்த வேலு (எ) வேலாயுதம் பீர் பாட்டிலை உடைத்து முகமது ரபிக்கை தாக்கியுள்ளார். தாக்குதலில் இரத்த காயமடைந்த முகமது ரபிக் ஸ்டான்லி மருத்துவமனையில் அனுமதிக்கப்பட்டு சிகிச்சை பெற்று இது குறித்து செம்பியம் காவல் நிலையத்தில் கொடுத்த புகாரின் பேரில் வழக்கு பதிவு செய்து விசாரணை செய்யப்பட்டது.
செம்பியம் காவல் நிலைய ஆய்வாளர் தலைமையிலான காவல் குழுவினர் விசாரணை செய்து மேற்படி வழக்கில் சம்பந்தப்பட்ட வேலு (எ) வேலாயுதம் (வ/26) திரு.வி.க நகர் சென்னை என்பவரை கைது செய்தனர். மேலும் விசாரணையில் கைது செய்யப்பட்ட எதிரி வேலு (எ) வேலாயுதம் திரு.வி.க நகர் காவல் நிலைய சரித்திரப்பதிவேடு குற்றவாளி என்பதும், இவர் மீது 10 குற்ற வழக்குகள் உள்ளதும் தெரியவந்தது. மேற்படி எதிரி மீது நீதிமன்ற நடவ டிக்கை மேற்கொள்ளப்பட்டு வருகிறது.
