திருநெல்வேலி : திருநெல்வேலி மாவட்ட காவல் கண்காணிப்பாளர் திரு.ப.சரவணன், இ.கா.ப, அவர்கள் உத்தரவுபடி மாவட்டத்தில் பணிபுரியும் காவல் உதவி ஆய்வாளர்களுக்கு சைபர் கிரைம் குற்றங்கள் குறித்தும், குற்ற சம்பவங்களில் ஈடுபடும் குற்றவாளிகளை எவ்வாறு விரைந்து கண்டுபிடிப்பது, குறித்து சிறப்பு பயிற்சி வகுப்பு மாவட்ட காவல் அலுவலகத்தில் வைத்து கூடுதல் காவல் கண்காணிப்பாளர்கள் திரு.மாரிராஜன், மற்றும் திரு.ராஜு, அவர்கள் முன்னிலையில் அம்பாசமுத்திரம் காவல் ஆய்வாளர் திரு.சந்திரமோகன், அவர்களால் சிறப்பு பயிற்சி வகுப்பு அளிக்கப்பட்டது.
பயிற்சி வகுப்பில் சைபர் கிரைம் குற்றங்கள் குறித்தும், சைபர் கிரைம் குற்றங்களில் ஈடுபடும் குற்றவாளிகளை எவ்வாறு விரைந்து கண்டுபிடிப்பது குறித்தும், வழக்கு பொருட்கள் கைப்பற்றுவது குறித்தும் வழக்கு ஆவணங்களை முறைபடுத்தி அதனை நீதிமன்றத்திற்கு அனுப்பி குற்றவாளிகளுக்கு தகுந்த தண்டனை பெற்று தருவது குறித்தும் பயிற்சி அளிக்கப்பட்டது. இப்பயிற்சி வகுப்பில், பயிற்சி துணை காவல் கண்காணிப்பாளர்கள் மற்றும் மாவட்டத்தில் உள்ள அனைத்து நேரடி உதவி ஆய்வாளர், கலந்து கொண்டனர்.
