திருவண்ணாமலை: திருவண்ணாமலை மாவட்ட காவல்துறையின் சார்பாக பொதுமக்கள் மற்றும் காவல்துறையினரிடையே நல்லுறவை மேம்படுத்தும் வகையில் ஒவ்வொரு ஆண்டும் விளையாட்டுப் போட்டிகள் நடத்தப்பட்டு வருகின்றது. நடப்பு ஆண்டுக்கான விளையாட்டுப் போட்டிகளை இன்று (09.03.2024) திருவண்ணாமலை மாவட்ட விளையாட்டு அரங்கம் மைதானத்தில் திருவண்ணாமலை மாவட்ட காவல் கண்காணிப்பளார் மரு.கி.கார்த்திகேயன், இ.கா.ப., அவர்கள் துவங்கி வைத்து விளையாட்டு வீரர்கள் மற்றும் விராங்கனைகள் அனைவரையும் உற்சாகப்படுத்தி வாழ்த்துக்களை தெரிவித்தார். இதில் ஏராளமான காவல்துறையினர் மற்றும் பொதுமக்கள் கலந்துகொண்டனர். பின்னர் வெற்றி பெற்ற அணியினருக்கு மாவட்ட காவல் கண்காணிப்பாளர் மரு.கி.கார்த்திகேயன், இ.கா.ப., அவர்கள் பரிசு கோப்பைகள் மற்றும் பணவெகுமதி வழங்கி பாராட்டினார்.
இந்நிகழ்ச்சியில் திருவண்ணாமலை மாவட்ட சைபர் கிரைம் கூடுதல் காவல் கண்காணிப்பாளர் திரு.M.பழனி அவர்கள், மாவட்ட குற்றப்பிரிவு துணை காவல் கண்காணிப்பாளர் திரு.T.சாந்தலிங்கம் அவர்கள், மாவட்ட விளையாட்டு & இளைஞர் நலன் அலுவலர் திரு.A.பாலமுருகன் அவர்கள் மற்றும் சமூகநீதி & மனித உரிமைகள் பிரிவு காவல் ஆளிநர்கள் உடனிருந்தார்கள்.
