தூத்துக்குடி: கோவில்பட்டி உட்கோட்ட காவல்துறையினரின் கவாத்து பயிற்சி கோவில்பட்டி உட்கோட்ட காவல் துணை கண்காணிப்பாளர் அலுவலகம் அருகில் உள்ள மைதானத்தில் வைத்து (23.11.2024) காலை நடைபெற்றது. மேற்படி கவாத்து பயிற்சியை தூத்துக்குடி மாவட்ட காவல் கண்காணிப்பாளர் திரு. ஆல்பர்ட் ஜான் இ.கா.ப அவர்கள் ஆய்வு செய்து, காவல்துறையினர் மேற்கொள்ள வேண்டிய பணிகள் குறித்து தகுந்த அறிவுரைகள் வழங்கினார். பின்னர் போலீசாரின் குறைகளை கேட்டறிந்து அதை நிவர்த்தி செய்ய சம்பந்தப்பட்ட அதிகாரிகளுக்கு உத்தரவிட்டார். இந்நிகழ்வின் போது கோவில்பட்டி உட்கோட்ட காவல் துணை கண்காணிப்பாளர் திரு. வெங்கடேஷ் உட்பட காவல் ஆய்வாளர்கள் மற்றும் காவல் துறையினர் பலர் கலந்து கொண்டனர்.
