தூத்துக்குடி: தூத்துக்குடி நகர உட்கோட்ட காவல்துறையினரின் உடற்பயிற்சி தென்பாகம் காவல் நிலைய எல்லைக்குட்பட்ட ரோச் பூங்கா பகுதியில் வைத்து (07.12.2024) காலை நடைபெற்றது. மேற்படி உடற்பயிற்சியை தூத்துக்குடி மாவட்ட காவல் கண்காணிப்பாளர் திரு. ஆல்பர்ட் ஜான் இ.கா.ப அவர்கள் ஆய்வு செய்து, தூத்துக்குடி நகர உட்கோட்ட காவலர்கள் மேற்கொள்ள வேண்டிய பணிகள் குறித்து தகுந்த அறிவுரைகள் வழங்கினார். பின்னர் போலீசாரின் குறைகளை கேட்டறிந்து நிவர்த்தி செய்ய நடவடிக்கை எடுக்கப்படும் என்று தெரிவித்தார்.
இந்நிகழ்வில் தூத்துக்குடி நகர உட்கோட்ட காவல் உதவி கண்காணிப்பாளர் டாக்டர் C. மதன், மத்தியபாகம் காவல் நிலைய ஆய்வாளர் திரு. பாஸ்கரன், போக்குவரத்து பிரிவு காவல் ஆய்வாளர் திரு. மயிலேறும்பெருமாள், தென்பாகம் குற்றப்பிரிவு காவல் ஆய்வாளர் திருமதி. ஹேமலதா மற்றும் சார்பு ஆய்வாளர்கள் உட்பட காவல்துறையினர் பலர் கலந்து கொண்டனர்.
