திண்டுக்கல் : திண்டுக்கல் மாவட்டம், நத்தம் அருகே உள்ள முளையூரை சேர்ந்தவர் பெரியகருப்பன் (48). குமார் (32). இருவரும் தங்களது மோட்டார் சைக்கிளில் நரசிம்மபுரம் என்னுமிடத்தில் வந்து கொண்டிருந்தபோது சாலையின் குறுக்கே பாய்ந்த காட்டெருமை ஒன்று, மோட்டார் சைக்கிள் மீது மோதியது. இதில் நிலை தடுமாறி கீழே விழுந்த 2 பேரையும் காட்டெருமை தாக்கியது. இதனையடுத்து படுகாயம் அடைந்த கருப்பன், குமார் ஆகியோரை அக்கம்பக்கத்தினர் மீட்டு நத்தம் அரசு மருத்துவமனையில் முதலுதவி சிகிச்சை அளிக்கப்பட்டு, பின்னர் மேல் சிகிச்சைக்காக மதுரை அரசு மருத்துவமனையில் அனுமதிக்கப்பட்டனர். இச்சம்பவம் குறித்து வனத்துறையினர் மற்றும் நத்தம் காவல் துறையினர் விசாரணை செய்து வருகின்றனர்.
திண்டுக்கல்லில் இருந்து நமது குடியுரிமை நிருபர்.
திரு.அழகுராஜா
