மயிலாடுதுறை : மயிலாடுதுறை மாவட்டம் சீர்காழி விவேகானந்தா மகளிர் கலை மற்றும் அறிவியல் கல்லூரியில் ஆண்டு விளையாட்டு விழா நடைபெற்றது. கல்லூரி முதல்வர் சுகந்தி வரவேற்று பேசினார். சிறப்பு விருந்தினராக சீர்காழி அனைத்து மகளிர் காவல் நிலைய ஆய்வாளர் ஜெயலட்சுமி கலந்து கொண்டு கொடி ஏற்றி, ஒலிம்பிக் தீபம் தந்து விழாவினை தொடங்கி வைத்தார். மேலும் உடல்நலம், மனநலம் குறித்தும், பெண் பாதுகாப்பு பற்றியும் சிறப்புரையாற்றி விளையாட்டுப் போட்டிகளில் வெற்றி பெற்ற மாணவிகளுக்கு பரிசுகளும், பதக்கங்களும், சான்றிதழும் வழங்கினார். விழாவில் பேராசிரியர்கள், பெற்றோர்கள் கலந்து கொண்டனர். கல்லூரி துணை முதல்வர் முனைவர் ஜெயந்தி கிருஷ்ணா நன்றி கூறினார்.
