தூத்துக்குடி: தூத்துக்குடி ஏ.பி.சி மகாலெட்சுமி கல்லூரி சார்பாக இன்று (09.04.2022) பள்ளி மற்றும் கல்லூரி மாணவியர்களுக்கு நடைபெற்ற மாநில அளவிலான மினி மாராத்தான் போட்டியில் சுமார் 1000 மாணவியர்கள் கலந்து கொண்டு ஏ.பி.சி மகாலட்சுமி கல்லூரியிலிருந்து புறப்பட்டு தூத்துக்குடி ஸ்டேட் பேங்க் காலனி, கருத்தபாலம், புதிய பேருந்து நிலையம், சிட்டி டவர் ஜங்கசன் வழியாக வந்து மீண்டும் ஏ.பி.சி மகாலெட்சுமி கல்லூரியில் நிறைவு செய்தனர். இந்த மினி மாராத்தான் போட்டியை மாவட்ட காவல் கண்காணிப்பாளர் டாக்டர் திரு. எல். பாலாஜி சரவணன் அவர்கள் கொடி அசைத்து துவக்கிவைத்து ‘காவல் உதவி” செயலி குறித்து விழிப்புணர்வு உரையாற்றினார்.
