தூத்துக்குடி : தூத்துக்குடி மாவட்டத்தில் அனைத்து காவல் நிலையங்களில் பணிபுரியும் தகவல் பதிவு உதவியாளர்/வரவேற்பாளர்களுக்கு (Data Entry Assistant/ Receptionist) மாவட்ட காவல் கண்காணிப்பாளர் டாக்டர் எல். பாலாஜி சரவணன் அவர்கள் கணினி வழங்கி அறிவுரை. தூத்துக்குடி மாவட்டத்தில் பணியில் இருக்கும்போது மரமணமடைந்த காவல்துறை மற்றும் அமைச்சுப்பணி அலுவலர்களின் வாரிசுதார்களான 75 பேருக்கு கருணை அடிப்படையில் தகவல் பதிவு உதவியாளர்/வரவேற்பாளர்களாக தமிழ்நாடு அரசு பணி நியமனம் செய்து பயிற்சியளிக்கப்பட்டு அனைத்து காவல் நிலையங்களிலும் பணியமர்த்தப்பட்டுள்ளனர்.
மேற்படி பயிற்சி பெற்ற வரவேற்பாளர்கள் காவல் நிலையத்திற்கு வரும் புகார்கள் மற்றும் புகார்தாரர் விபரங்கள் குறித்த தகவல்களை கணினி மூலம் பதிவு செய்து தகுந்த நடவடிக்கை எடுப்பதற்கு உயரதிகாரிகளின் கவனத்திற்க கொண்டு செல்வதற்கு தமிழ்நாடு அரசு வழங்கிய கணினிகளை தூத்துக்குடி மாவட்டத்தில் உள்ள அனைத்து காவல் நிலையங்களுக்கும் மாவட்ட காவல் கண்காணிப்பாளர் அவர்கள் வழங்கி காவல் நிலையங்களுக்கு புகார் அளிக்க வரும் பொதுமக்களிடம் கனிவுடன் நடந்து கொள்ள வேண்டும் என அறிவுரைகள் வழங்கினார்.
