தூத்துக்குடி : தூத்துக்குடி மாவட்டத்தில், வீரபாண்டிய கட்டபொம்மன் அவர்களின் 223வது நினைவு நாளை முன்னிட்டு மாவட்ட காவல் கண்காணிப்பாளர் டாக்டர் திரு. எல். பாலாஜி சரவணன், அவர்கள் தலைமையில் 4 காவல் துணை கண்காணிப்பாளர்கள், 18 காவல் ஆய்வாளர்கள், 41 உதவி ஆய்வாளர்கள் உட்பட சுமார் 300 போலீசார் பாதுகாப்பு பணியில் ஈடுபட்டு வருகின்றனர். மேற்படி பாதுகாப்பு பணிகளை மாவட்ட காவல் கண்காணிப்பாளர் டாக்டர் திரு எல் பாலாஜி சரவணன் அவர்கள் (16.10.2022) கயத்தாறு பகுதியில் உள்ள வீரபாண்டிய கட்டபொம்மன் அவர்களின் மணிமண்டபத்திற்கு நேரில் சென்று ஆய்வு செய்தார். இந்நிகழ்வின்போது கோவில்பட்டி காவல் துணை கண்காணிப்பாளர் திரு. வெங்கடேஷ், நில அபகரிப்பு தடுப்பு சிறப்பு பிரிவு காவல் துணை கண்காணிப்பாளர் திரு. சம்பத், கயத்தாறு காவல் நிலைய ஆய்வாளர் திரு. முத்து, தனிப்பிரிவு உதவி ஆய்வாளர் திரு. ஸ்டீபன் மற்றும் போலீசார் உடனிருந்தனர்.
