கடலூர் : கடலூர் மாவட்டம், நெய்வேலி அருகே, காவல் துறையினரை, அரிவாளுடன் விரட்டிய ரவுடி, பொதுமக்கள் உதவியுடன் கைது செய்யப்பட்டார். நெய்வேலி அருகே கொள்ளுக்காரன்குட்டை ,பகுதியில், ரவுடி ஒருவர் அரிவாளுடன், காரில் செல்பவர்களை, மிரட்டுவதாக வந்த தகவலை அடுத்து, காவல் துறையினர், அங்கு விரைந்தனர். அரிவாளைக் கொண்ட மிரட்டிய நபர், ரவுடி வீரமணி, என்பது தெரியவந்தது.
இதுகுறித்து விசாரிக்கச் சென்றபோது, வீரமணி அரிவாளுடன் துரத்தியதால், காவல் துறையினர், அங்கிருந்து தப்பிச் சென்றனர். மேலும் காவல் துறையினரின், இருசக்கர வாகனத்தை அரிவாளால், சேதப்படுத்தியதாக கூறப்படுகிறது. இதனைத் தொடர்ந்து ரவுடி வீரமணியை, பொதுமக்கள் பிடித்து காவல் துறையினரிடம், ஒப்படைத்த போது, நிலை தடுமாறி , கீழே விழுந்தததில் தலையில் காயம் ஏற்பட்டது. பின்னர் மருத்துவமனையில், அனுமதிக்கப்பட்டுள்ள ரவுடி வீரமணியிடம், காவல் துறையினர், விசாரணை நடத்தி வருகின்றனர்.
