புதுக்கோட்டை: கண்ணமங்கலம் காவல் ஆய்வாளர் சசிகுமார் தலைமையிலான போலீசார் நேற்று புதுப்பேட்டை சந்திப்பில் வாகன சோதனையில் ஈடுபட்டனர். அப்போது சந்தேகத்திற்கு இடமளிக்கும் வகையில் மோட்டார் சைக்கிளில் வந்த 2 வாலிபர்களை போலீசார் பிடித்து விசாரணை நடத்தினர். அப்போது அவர்களிடம் 100 கிராம் கஞ்சா, 10 லிட்டர் கள்ளசாராயம் இருப்பது தெரியவந்தது.
இதையடுத்து மேற்கொண்டு போலீசார் விசாரணை நடத்தியதில் அவர்கள் கொளத்தூர் புதிய காலனியைச் சேர்ந்த மதன் (25), மணிகண்டன் (24) என்பதும் வேலூரில் இருந்து கஞ்சா வாங்கி வந்து விற்பனை செய்வதும் தெரியவந்தது.
இதையடுத்து போலீசார் வழக்குப்பதிந்து 2 பேரையும் கைது செய்து,அவர்களிடமிருந்த 100 கிராம் கஞ்சா,கள்ளசாராயம்,மோட்டோர் சைக்கிள் ஆகியவற்றை பறிமுதல் செய்தனர்.