குமரி: குமரி மாவட்டம் மார்த்தாண்டம் பகுதியை சேர்ந்தவர் மோகன்ராஜ். இவர் நான்கு சக்கர வாகனம் வாங்கி விற்கும் வியாபாரம் செய்து வருகிறார். இவருடைய மனைவி சோனியா காந்தி. இந்த தம்பதியருக்கு ஒரு பெண் குழந்தை உள்ளது.
சோனியா காந்தி கடந்த 19ஆம் தேதி வீட்டில் வீட்டிலிருந்த13 லட்சம் பணம் 45 பவுன் நகை,சொகுசு கார் மற்றும் குழந்தையுடன் மாயமானார் .இதனையடுத்து மோகன்ராஜ் மார்த்தாண்டம் போலீசில் புகார் அளித்தார்.
புகாரின் பேரில் போலீசார் வழக்குப்பதிவு செய்து விசாரணை நடத்தினர். விசாரணையில் குமரியில் இருந்து மாயமான சோனியா காந்தி தனது குழந்தையுடன் கேரளாவில் உள்ள ஒரு தனியார் விடுதியில் வாலிபருடன் தங்கி இருப்பதாக ரகசிய தகவல் கிடைத்துள்ளது. இதனையடுத்து இளம்பெண் மற்றும் குழந்தையை மீட்கும் நடவடிக்கையில் போலீசார் ஈடுபட்டு வருகின்றனர்.
